Chasalo Kaisa akabika wngmani ulo Arun Kumar Das mungwi khoroksa lukupalbai bujak tokjak khwlaijakha. Sakham nogo bini langma chokha tini. Bini mangkwthwi no twi amchai ni lukurok lama kasulaikha. Birendra Sutradhar tei Uttam Das mungwi khoroknwi no Birindiyarok khakrepkha. Chasalo patimung wngphanu, sal kwbang romwi birindiyarok mungsa khaiya hwnwi kok kasakha.
Patimung wngkha auli ni Barjala amchaio. Tabuk kasumung rosajak kha. O patimung belaikhe kirimasingsa hwnwi sakha amchaini MLA Dr. Dilip Das. Omo khainai borokrok hodao tongna bagwi mwchangya. “O patimung kaisa ‘Bwtharmung’ hai. Haiphano ‘Mob Lynching’ kok hwnwi sana naiya. Tamni hwnkhe o kok tabukni jora kaisa sari, ang patimungno Lynching hwnya,” hwnwi sakha bo.
Arun Kumar Das khoroksa ni sak sakao cycle bai akabika wngwi kwlaikha. Aphuru kwlwibwsa masa bo hao kwlai thangkha. Arono bono kaisa tokta bai bulaikha hwnwi kok kasakha. Chwrai kwlwi mungsa dukhu manliya hwnwi sakha MLA.
COMMENTS