COVID 19 jora o Kokthumnairokni sago Kopromungni patimung thakplaiya wngwi tongkha. Virus chopromungni bisingo no Kokthumnairokno samungsitra tangnairok kopro tongkha.
O patimungno sejakha Agartala Press Club tei kaisa pirmungni bisingtwi samungsitra tangnairokno khaprepna bagwi sanmung tisakha.
Kumarghat Dainik Songbad koktmabwlaih ni kokthumnai Mg. Tapan Banik ni nogo phasal horni 8 pm o samungsitra tangnairok thangwi kopro kha. Narwktangnai Mg. Akash Kar ni twidulmungbai samungsitra tangnairokni dol bini nogo thangwi jolimung patirwkha.
Tripura Working Journalists Association (TWJA) patimungno sejakha tei dakti dakti Mg. Akash kar tei engineer Mg. Santanu Bhowmik no khakrepna tei kokthumnai Mg. Tapan Banik ni bagwi naimwthang bokna bagwi sanmung tisakha. Science laboratory tangmungno rwgwi kami ni borokrok kok tisalaikha. Omono twi Mg. Tapan Banik executive engineer Mg. Santanu Bhowmik no kok swngphremung khwlaikha. Haiphano ulo engineer tei narwktangnai Mg. Akash Kar bono sikrisoro khaikha tei ulo samungsitra tangnairok bono koprokha tei bini nog rokbo sitra phitra khairwkha.
Haste montri okra ni kaisa kok saklaimungno kebengwi Assembly of Journalists Prime Minister, Home Minister, Press Council of India no koktun rohorkha. Aro swijakha, thangnai jora romwi kaidok kokthumnairok kopropjakha. Birindiya rokni thani koktisaphano khakrepmung khaijakya. Baksa patimungo BJP ni adong/samungtangnairok bo silsajak tongo. Omono rwgwi hasteo kaisa kirimungni habar nungjagwi tongkha.
COMMENTS