Salthang Tripura ni Haphangbedek Osa Mwtai phuru 12 pm ni ulo Curfew rwna bagwi haste bugra no koboknai. Kwbangma club tei ter songchanairok bo curfew rwna bagwi kok tisalaikha.
Kraksalo koktma bedek no Dr. Shailesh Kumar Yadav sakha, “ Agartala ni kwbangma club o ter sonchanairok bai raida twi koksalaikha hwnwi”. COVID-19 jora o luku sakham no nasigwi jotono raida kaham khe pali na nangani sakni tei hasteni hamkrai ni bagwi. Containment Zone ni bisingo Osa Mwtai kawui mangwlak. Tabuksak jora 395 forms rwjakha ter songchana bagwi. Haiphano, containment zone bisingo tongnai nukhungrok sak sakni nogo tongwi ter palailai manai. Ochai microphone bai surimung ma surinai hakchal o tongwi lukurok khwnai manani bagwi. Ter songchanai rok Osa mwtai kaima gana o banik khairwi mangwlak.
Bo sakha, sakham bedek ter kaima gana rogo antigen test ni bagwi naharmung najaknai tei bemar nukjak lukurokno test khaijaknai hwnwi. Naimwthang bedekni Distric Superintendent Manik Das sakha, disaster management team tei naimwthang bodolrok kwbangkhe tonjaknai hwnwi.
COMMENTS